Naya saal aur purane hmÂ
Naya saal hai ye
Pr yaadein purani sanjo ke rakhna
Dost purane sambhal k rakhna
Rakhna unhe aur bhi hifazat se
Jo tab tumhare saath the
Jab tumhari aatma ne tumhe thukraya tha
Rakhna sambhal un waadon ko
Jo apno ko diye the
Jo chhod gye
Unhe bhul jana
Aur jo reh gye unhe
Sine se lagana
Mat bhulna us waqt ko
Jab tum dagmagae the
Paanv mein kaante hote hue bhi
Jab tum muskurae the
Un palon ko yaad krna
Apni himmat ko yaad krna
Yaad krna un logon ko
Jo pathrili raahon pe
Thandi ghaas ki tarah mile the
Un lamho ko zaroor sochna
Jinhone tumhe hausla diya tha
Thoda aur chlne ko
Aankho mein aansoo hote hue bhi
Ek aur sapna dekhne ko
Mat bhulna unhe
Mat bhulna ….
Comments