Mai Karishma hun. Asal mai nai naam mera karishma hai.
Mujhy 2018 gatiya(arthritis) hogaya tha. Psoriatic arthritis . Mai Pakistan main rehti hun. Mera nikkah hua tha july mai or mai usk theek 6 maheeny ke baad is bimari ka shikar hogai. Herat ki baat yeh thi k mujhy kabhi koi bimari nahin thi. Khair teen maheeny tou mai is bimari ki waja sy bister py chali gai thi bohat sary muhally k drs ko dikha rahi thi par koi aram nahi tha. Ek raat mery dard ki intyha na rahi do bajy ka waqt tha or mai apny shohar sy call py baat kar rahi thi mainy cheekhna shuru kardiya mere shohar mere ghar agye. Pakistan ka bohat well known hosp hai aga khan. Zaid (my husband)usi waqt aga khan bhagy mujhy lykar . Wahan pata chala k mujhy reactive arthritis hua hai. Us waqt nahi pata tha k ye psoriatic arthritis hai.
(agar meri audience ko yeh janna hai mjy kaisy pata chala k mere arthritis ki type kiya hai please coment below bohat interesting hai wo bhi).
Back to story.
Chaar din mai meri behtari ayi or 5 din baad mujhy ghar bhej diya deltacotril(steriod) k sath or kaha k apko body mai infection hoa wa tha jis waja sy Reactive arthritis mujhy hogaya. Ab cheezen normal hain. Khair tbyt bhi kafi behter mehsus hoi mujhy.
Ab mai ghar agai par hua kuch yun k again mai bimaar rehny lagi or ahista ahista mujhy bister ny phir pakar liya.
Ab baat darooni shuru hogai. Yahan py entry hoi kaaly jadu ki. Kiun ab koi bhi medicine mujhpy asar nahi kar rahi thi or hosp mae drs bilkul he clueless thy k kaisy achanak yeh med asar nahin karahi. Meri sab sy choti khala ny kaha k ek baar hum rohani madad ly lyty hain. Meri family or husband agree kargye. Hum ek bohat buzarg Alam deen k pass gaye or unko sara masla batya unho ny kuch hisaab lgaya or kaha k yeh sifli jadu hai taky is bachi ka rishta khatam hojaye or yeh tarap tarap k mary. Or is ko karny wala apka koi kareeb ka banda hai yeh buzarg bina paison k fee sabilliha kaam karty hain. Ab yahan baat yeh hoi k ab agy kiya karen mere sath achanak paranormal cheezen hona shuru hogain is sachai ko pata chalny k baad par confirm karny keliye humny total 6 Alam e deen sy pocha or sabka yehe kehna tha. Mujhy achanak apny ghar mai jinnat or ajeeb makhlooqat nazar any lagin. Mai bohat bohat bohat bimaar hogai. Achanak mai moti hony lagi or mere jism py admion jaisy baal paida hogye mainy gyne ko dikhaya tou unhony kaha k mjy PCOS hogye hain or mai maa bohat mushkilon sy he agar bani tou bani warna chances bohat kam hain. Yeh baat ab mere husband ko batai mainy. Is baat sy ghar mai or zada khauf pehl gaya khair PCOS ki med start hoi but koi faida nahi horaha tha mai bohat zayada bahayanak nazar any lagi jaisy ghr mai koi khaufnaak si dayan bister py laiti ho. Mere husband bohat Zada Allah waly hain unhony kaha k koi baat nahi hum is sifli ka tor karwayengy. Or mai karishma ko kisi keemat py janny nahin dunga. Meri sifli ka ilaaj shuru hua mere ghar sy different cheezen milna shuru hoin jaga jaga choti choti potliyan milin jin mai ajeeb writting mai likha hota tha pata nahi kiya. Sifli ka ilaj jab shuru hua mai thik hony k bajaye or zada takleef mai agai mai khana nahi khati thi mere jisam sy potti jaisi badbu any lagi. Koi mere pass nahin bethta tha siwaye mere husband k jo harcwaqt mujhpy dum karty thy. Or ek Alam e deen mera ilaaj kar rahy thy wo rozna raat 8 sy lykar 12 bajy tak mere ghar aty or drawing room mai ilaaj karty lights off hoti thin or wo kuch parhty thy wo akely hoty thy par drawing room sy 4 logon ki khaufnaak awazen ati thin or mere jism ki badbu su pora ghar sarh raha hota tha or mai tarap rahi hoti thi. 22 days tak yeh sab chala k 22 days baad mujhy bohat bari ulti hoi wo tha unka last day jb unhony kaha k aj aar paar ki raat hai ya tou aj karishma khatam hojayegi ya phir aj wo azad hojayegi or yeh keh kar k drawing room mai chaly gye. Mere ghar k har fard ny jan e namaz bicha li or mere husband ny imamat ki or isha k namaz mere kamry mai parhi jarahi thi mai cheek rahi thi mujhy cheezen nazar arahi thin mujhy khafnaak chehry nazar arahy thy or mai dar rahi thi par mere kamry mai sab namaz parh rahy thy or phir achanak mujhy ek bohat bari ulti hoi us ulti mai khoon tha baal thy chaar suinyan thi or safadi thi andy ki. Or mai wo ulti kar k behosh hogai. Jab meri ankh khuli ghar saaf sutrah itni perfume ki khushboo k bus na pochen sab ki hasi fajar ka waqt uff wo haseen subha or mainy 10 maheen k baad zameen py kadam rakha khud sy na koi dard or na koi badbu mere husband bahyn khul k room k bahar mujhy bola rahy thy meri ami bhai behan sab bahar thy or mai ahista kadmo sy chalti hoi Zaid ki tarf barhi wo ek ek qadam meri ankhon mai meri azmaish mujhy yaad dila raha tha mai zaid k pass pohanchi or unhony ny mujhy apny seeny mai chupa liya or kaha k bus dekho jeet gaye hum Allah ny tumko karishma jeeta diya. Unki ankhon mai ansoo thy mohabbat thi khayal tha ehsas tha. Or bus yahan py akar sab sahi hogaya.
Par mujhy aj bhi psoriatic arthritis hai jis py un alam e deen ka kehna tha k jab jadu kiya jata hai tou usk impacts zindagi bhar rehty hain iski misaal yeh hai k jab humara koi accident hojata hai tou usk nishaan humary jisam py reh jaty hain. Or yeh jadu mere liye ek accident ki tarhan hai. Par ab mai apna khayal rakhti hun Psoriatic arthritis meri zindagi ki ek condition hai or mai bimaar nahi hun mai bilkul ap sb ki tarhaan normal hun kiun k mai isko manage krti hun or zindagi k sary kam krti hun agar ap janna chahty hain k kaisy tou please coment kariyega mai apko apni life management bataongi. Aj mere do bachy hain or mai ek healthy life mai hun..Â
Allah tumsy azmaish lyga or tum us azmaish sy ghabrana mat kiun k tumsy azmaish wo lyraha hai jo 70 maon sy zada mohabbat karta hai par haan wo azmaish lyta hai taky tum zindagi mai or zada muzboot hojao or har takleef sy laro or insaan k tawakal sy nikalo or kabhi bhi Allah k tawakal sy na umeed mat hojao or us zaat ki haseen baat yeh hai k azmaish de raha hae par us azmaish mai usny tumko thama hua hai wo girny nahin deraha wo tumko takleef deraha hai par marham bhi deraha hai or bus usny jab tumko azma liya or azmaish khatam hogai tou usny tumko yeh bata diya k bus woi hai woi tha jo har cheez py kudrat rakhta hai or tawakal usi ka hai or wo tumko samjha deta hai k jab paryshaan ho tou mai hun or bus mai he tumko is takleef sy nikalonga or tum Allah k hojaty ho or phir koi dar tumko nahi chuta or wo azmaish ka badla tumko khushion mai rehmaton mai deta hai.
Comments