Woh library mein pehli baar mila tha. Dusre logon ke liye woh bas ek aur ladka tha, par meri nazar us pal ruk gayi thi. Woh aksar wahi kursi chunta jahan se main dikhti thi, par kabhi kuch kaha nahi.
Main roz diary likhti thi. Har emotion, har sapna usme tha. Par uska naam kabhi nahi likha. Kyun? Kyunki main khud ko bhi batana nahi chahti thi ki dil uske liye dhadakta hai.
Ek din meri diary library mein reh gayi. Agle din woh mere samne aaya… haath mein meri diary thi. Main ghabra gayi… darr ki usne sab padh liya hoga. Par usne bas muskara kar kaha, “Tumhara raaz sirf tum tak rehne dena chahiye… lekin main chahta hoon ek din mera naam bhi tumhari diary mein aaye.”
Us din ke baad main diary band kar di… aur zindagi likhni shuru ki — uske saath.
Comments