Online chat Part 3 – ‘Pehli Mulaqat’ 💞

Ek mahine ki raat-rat bhar ki chats, har din ek naye emotion ke saath phone calls, aur phir ek din... usne pucha:

_"Kya tum mujhse milna chahogi?"_

Dil zor se dhadak gaya. Kuch pal ke liye chup ho gayi. Phir bola,

_"Haan, par sirf ek condition pe... tum mujhe ice cream khilaoge."_

Usne hansi roki nahi, "Done!"

Milne ka din fix hua – ek sundar Sunday. Main white top aur blue jeans mein thi, simple par usse milne ke liye perfect. Usne kaha tha, “Main black hoodie mein rahunga, tum easily pehchaan logi.”

Park ke paas ek ice cream truck ke samne khadi thi. Tabhi kisi ne peeche se awaaz di,

_"Ek chocolate cone aur ek smile, dono milegi kya?"_

Palat ke dekha – wahi tha, hoodie mein, aankhon mein halka sa darr aur dher saari khushi.

Pehli baar aankhon se aankhon ka connection hua – screen ke piche jo tha, ab samne khada tha. Thodi awkward silence, phir ek saath hansi chhoot gayi.

Park ke bench pe baithe, ice cream khate hue purani chats ko yaad kiya. Usne bola,

_"Tum waise hi ho jaisi sochi thi, ya shayad usse bhi zyada."_

Maine kaha,

_"Aur tum waise ho jaisi maine kabhi kalpana bhi nahi ki thi..."_

Us din kuch haath nahi pakda, koi cheesy line nahi boli – bas do log the, jo real ho gaye the ek digital duniya se nikal ke.

Raat ko message aaya:

_"Tumhe dekhne ke baad, lagta hai ab koi aur screen pe dil nahi lagta."_

Maine type kiya,

_"Mujhe bhi... ab real wali duniya zyada achhi lagti hai, tumhare saath."_ 💌

#milyin #new #love #chats #online #latest #trending #part3