Online Chat Part 2 – ‘Pehli Baar Call Pe’

Agli shaam, uska message aaya —

"Aaj sirf chatting nahi... ek chhoti si call bhi?"

Main thodi sharma gayi, par andar se excited thi. Maine likha,

"Thoda darr lag raha hai... par theek hai, ek chhoti si."

Usne turant call kiya. Pehli baar uska awaaz suna — halka sa low tone, lekin bahut pyaara, jaise kahin door se koi kahaani suna raha ho.

"Hello?" usne kaha.

"Hi..." maine halka sa muskurate hue jawaab diya.

Kuch seconds khamoshi thi, jaise dono soch rahe ho, kya bolein? Fir usne pucha,

"Tum sach mein real ho na? Kyunki tumhari baatein toh dream jaisi hoti hain."

Main muskura di aur kaha,

"Main real hoon... bas thodi filmy."

Phir humne movies ke baare mein baat ki, kisiko horror pasand tha (wo), kisiko romantic (main). Usne apna fav song sunaya — uski awaaz mein ek ajeeb sa charm tha. Maine kaha,

"Ye tumne gaya ya original track tha?"

Usne hasa, "Dil se gaya."

Ek ghante ka call kab 2 ghante ka hua, pata hi nahi chala. Phone rakhte waqt usne kaha,

"Tumse baat karke aaj ka din special ban gaya."

Aur mujhe laga — shayad "ek hmmm" se shuru hui baat, ab dil tak pahunch gayi hai...

#milyin #new #chats #online #latest #trending