CHHOTI SI COFFEE DATE
Sheher ki bheed mein, shor se hatkar kahi saamne lekin nazar na aaye waha ek chhoti si coffee shop thi - "Kavi Tales"
Baarish ka mausam tha, aur log apni-apni chhatriyon ke sath bhag rahe the. Kabir bheegta hua andar aaya. Chashme par paani ki boondein aur dil mein udasi.
Corner wali table par bethi hui Mira already coffee pi rahi thi. Usne Kabir ki taraf dekha, muskurayi, aur bas itna kaha "Tum bhi bheeg gaye ?"
Kabir ne sirf ha mein sar hilaya. Wo zyada baat nahi karta tha. Lekin jab usne Mira ko dekha to uski aankhon mein kuch tha.... shayad ek sukoon.
Mira ne coffee ka ek cup Kabir ki taraf slide kiya aur kaha - "Ye extra aa gayi thi pata nai kyu" Kabir ne coffee le li. Dono chup chap baith ke barish dekhte rahe aur us khamoshi ne, kuch to keh diya tha.
Agle kuch hafton tak, Kabir roz wahi coffee shop pe aata aur Mira bhi, baatein badhi music, art, heartbreaks, dreams.......
Ek din Mira ne kaha, "Kabir, tum jaise log kam milte hai... tum kisi poem jaise ho". Kabir ne halka sa muskurake jawab diya "aur tum us poem ka meaning ho". Mira ne halki si smile chupa kar coffee pi.
Aaj bhi, Kavi tales ke corner mein ek table reserved hoti hai-For K & M."
Kehte hai, agar wahan baarish ke din coffee pi jaye, toh kisi na kisi ko pyaar ho jata hai.
TO BE CONTINUED......
Comments