Pati nay kaha aaj tyohaar hai
Thode gehne pehen lo
Saadi ki shobha aur bad jayegi
Woh kamre main rakhi almari kholkar
Bhochakka hokar chillai
Kuch bhi nahi hai
Tizori khaali hai
Aisa kaise ho sakta hai
Kaamwali aati nahi
Main bahar jaati nahi
Kaise ho gayi chori
Pati nay usko sambhala
Advertisement
Ambrane 10000 mAh 12 W Compact Pocket Size Power Bank
Poocha akhiri baar kab pehna tha haar
Woh boli 5 mahine pehle meri saheli ke bhai ki shaadi main
Tab ache se saj sanwar ke gayi thi
Galti se kuch log mujhe hi dulhan samajh baithe the
Woh bola pichle 5 mahinon main kaun kaun aaya Ghar par
Woh boli anjaan koi bhi nai
Sab jaankar mitr yeah rishtedar
Kuch ajeeb sa hua kya kabhi kissike aane par
Woh sochne lagi
Sochte sochte rone lagi
Usko a gaya yaad
Wahi saheli kai baar aayi thi
Apne saath thandi coffee layi thi
Mujhe woh pilayi gayi thi
Peete hi mujhe neend a gayi thi
Mere uthtte hi woh bolti thi
Bahut thak gayi thi tum
Issiliye so gayi thi
Aisa ek nahi kai baar hua tha
Toota dil
Khoon ke aanson paunch kar
Usne saheli ko phone kiya
Kyon tune Aisa Kiya
Mera vishwaas Tod Diya
Madad chahiye thi toh bol deti
Mere se jitna hota tujhe de deti
Maine tujh par kiya tha andha vishwas
Ab koi nahi reh ahsaas
Pyaar mein Dil toot jaye toh
Sambhal jata hain kuch samay baad
Ek baar dost kare vishwas ghaath
Woh jhakm kabhi nahi bharta
Kitna bhi karlo jatan
Bhari rehta Hain man
Kabhi kissi dost ko na sataye
Madad chahiye toh ek baar poochiye
Paisa liya hai to wapis lutaye
Hamesha dost ka bhala sochiye
Meri kalam se - Prerna
Comments