Parivar ki kachhari main
Khadi thi woh naari
Ek ek karke parivar walon nay lagaye lakhon iljaam
Tum der se uthti hon
Tum khana acha nahi banati hon
Tumhe kaam kar na nahi aata
Phalana phalana phalana
Woh sab sunti rahi
Apne pati ki taraf dekha
Woh munh neeche karke khada tha
Woh kuch bola nahi
Magar doosro ko bolne se bhi
Roka nahi
Pass main khade bache ro rahain the
Unhe dekh kar woh bhi ro padi
Parivar ke mukhya nay poocha
Bolo maanti hon na ki tum buri hon
Woh thoda ha hansi phir boli
Ji main buri nahi magar iss parivar ke liye main hoon sabse kharab
Maafi maangna chahti hoon ki itne saal bitaye inhone mere saath
Par ab iski jaroorat nahi padegi
Mukhiya pooche toh ab sudhar jaogi ya nahi?
Dekh kar laga bechari abla hain naari
Unko nahi pata tha ki yeh kabhi na hari
Poore parivar ke saamne haath jod kar boli
Main apke liye hoon buri
Toh abse aap mera munh nahin dekhenge
Main mere bache Ghar se nikal jayenge
Aap bhi Khush main bhi Khush
Ab pati bola Mera kya hoga
Ab us stree se raha nahi gaya
Aap hamesha peedit hain kaise samajh lete hain
Is ghar main byah karke aap laye the mujhe
Pati ko khush rakhna bol diya mujhe
Meri khushi mere aatmsamman ka kya
Kitni baar bola aapko
Mujhe izzat nahi milti yeah
Samajh lete hain naukrani
Tab aap bole the
Aisi hi hota hain bahurani
Maine nahi bola mere liye
Jhagda karon apno se
Par mujhe beizzati na karo
Main bhi ek insan hoon
Tab kya bola tha apne
Saho thoda
Har ghar main yehi hota hain
Ab main aapko bolti hoon
Sahiye thoda
Har ghar main yeh nai hota hain
Biwi bacho ke bina
Samay beetaye thoda
Shayad apko akal a jaaye
Hamesha biwi galat nahi hoti
Shayad yeh samajh a Jaye
Shayad yeh samajh a Jaye
Meri kalam se - Prerna
Comments