Kabhi kabhi lagta hai aisa
Mera bhagwan mere pass hi khada hai
Mera haath pakad ke mujhe sahi raah dikha Raha hai
Main befikar ho jata hoon
Dimaag lagana band kar deta hoon
Aankhon par patti baandh kar unke saath chal deta hoon
Phir kha jaata hoon thokar achanak se
Aur bhagwan kahi nahi dikhte
Dimaag ke darwaze kholta hoon
Poochta hoon kyon vishwaas today mera
Bhagwan keh dete hai
Dimaag kaha hain tera
Main jab tak rahoonga saath tere
Tu nahin sikhega duniya ke raaste tede mede
Issiliye sikhaya tujhe sabak
Ab toh sudhar ja mere baalak
Sukh dukh main sab main hain bhagwan shaamil
Dukh main sikhata hain majboot banna
Dukh main dikhata hai apna paraya
Dukh ki wajah se sukh.ka hota hai ahsaas
Dukh main jo door the sukh main woh bhi a jaate hai paas
Dukh matlab bhagwan le rahain hai pareeksha
Safal huay to hoti hai sukh se mulaqat
Zaroori Hain dono safalta bhi aur niriksha
Jaise daaya haath aur baaya haath
Meri kalam se - Prerna
Comments